سائق تاكسى (غير مسيحى) يسأل راكبة (مسيحية) .. هو إنتو جايبين حراسة خاصة للكنيسة ؟؟
سائق تاكسى (غير مسيحى) يسأل راكبة (مسيحية) هو إنتو جايبين حراسة خاصة للكنيسة ؟؟
دول منيين دول شكلهم غريب قوى؟؟ الراكبة:حراسة إيه؟؟
أنهى كنيسة؟؟ السائق:الكنيسة إللى فى شارع البوستة
( كنيسة الشهيد العظيم مارجرجس بالفيوم (تحت اعمال البناء والتجديد))
الراكبة: لأ مفيش حراسة غير الحراسة بتاعة الحكومة
السائق: لأ يا مدام إزاى دة إحنا بنشوفهم بقالنا تلات جمعات واحنا ماشيين فى المظاهرة مع إن إحنا مش بنقرب للكنيسة
وبعدين دول شكلهم غريب ولبسهم غريب الريس بتاعهم بيكون راكب على حصان و لابس خوذة معدن و عمال يلف حوالين الكنيسة ووراه كام عسكري
الراكبة:(فى ذهول ومش عرفة تقوله إيه)
السائق: أنا سألت زبون وقالي ده صاحب الكنيسة هو إنتو بعتوها ؟؟
الراكبة: ﻷ متباعتش بس فعلا هو ده صاحب الكنيسة.
مارجرجس البطل الرومانى يحرس كنيستة من كل فعل شرير السلام لك يا مارجرجس بركات القديس العظيم تكون معانا دائما أمين
"إن لم يحرس الرب المدينة فباطلا سهر الحراس"
هذا الخبر منقول من : هذا الخبر خاص بموقع الحق والضلال